8.21 - திருவாசகம் - கோயில் மூத்த திருப்பதிகம் - tiruvāsagam - kōyil mūtta tiruppadigam

37) பதிகம் 8.21 - திருவாசகம் - கோயில் மூத்த திருப்பதிகம் - tiruvāsagam - kōyil mūtta tiruppadigam

Here are the links to verses and audio of this padhigam's discussion:

8.21 - kOyil mUththa thiruppadhigam

Verses - PDF: 8.21 - திருவாசகம் - கோயில் மூத்த திருப்பதிகம் - tiruvāsagam - kōyil mūtta tiruppadigam

****

On YouTube:

Tamil discussion: 

Part-1: https://youtu.be/PwOlooJlZJM 

Part-2: https://youtu.be/1HuYrsJ4WR4

****
V. Subramanian
=======================

(Verses in original Tamil version & word separated Tamil / English scripts) - print only those pages you need)

திருவாசகம் - கோயில் மூத்த திருப்பதிகம் - 8.21

குறிப்பு: இப்பதிகம் அந்தாதியாக அமைந்துள்ளது.

--------------

பாடல் எண் : 1

உடையாள் உன்றன் நடுவிருக்கும்
.. உடையாள் நடுவுள் நீயிருத்தி
அடியேன் நடுவுள் இருவீரும்
.. இருப்ப தானால் அடியேன்உன்
அடியார் நடுவு ளிருக்கும்அரு
.. ளைப் புரியாய்பொன் னம்பலத்தெம்
முடியா முதலே என்கருத்து
.. முடியும் வண்ணம் முன்னின்றே.

பாடல் எண் : 2

முன்னின் றாண்டாய் எனைமுன்னம்
.. யானும் அதுவே முயல்வுற்றுப்
பின்னின் றேவல் செய்கின்றேன்
.. பிற்பட் டொழிந்தேன் பெம்மானே
என்னின் றருளி வரநின்று
.. போந்தி டென்னா விடில்அடியார்
உன்னின் றிவனார் என்னாரோ
.. பொன்னம் பலக்கூத் துகந்தானே.

பாடல் எண் : 3

உகந்தா னேஅன் புடைஅடிமைக்
.. குருகா உள்ளத் துணர்விலியேன்
சகந்தான் அறிய முறையிட்டால்
.. தக்க வாறன் றென்னாரோ
மகந்தான் செய்து வழிவந்தார்
.. வாழ வாழ்ந்தாய் அடியேற்குன்
முகந்தான் தாரா விடின்முடிவேன்
.. பொன்னம் பலத்தெம் முழுமுதலே.

பாடல் எண் : 4

முழுமுத லேஐம் புலனுக்கும்
.. மூவர்க்கும் என் றனக்கும்
வழிமுத லேநின் பழவடி யார்திரள்
.. வான்குழுமிக்
கெழுமுத லேயருள் தந்திருக்க
.. இரங்குங் கொல்லோஎன்
றழுமது வேயன்றி மற்றென்
.. செய்கேன் பொன்னம் பலத்தரைசே.

பாடல் எண் : 5

அரைசே பொன்னம் பலத்தாடும்
.. அமுதே என்றுன் அருள்நோக்கி
இரைதேர் கொக்கொத் திரவுபகல்
.. ஏசற் றிருந்தே வேசற்றேன்
கரைசேர் அடியார் களிசிறப்பக்
.. காட்சி கொடுத்துன் னடியேன்பால்
பிரைசேர் பாலின் நெய்போலப்
.. பேசா திருந்தால் ஏசாரோ.

பாடல் எண் : 6

ஏசா நிற்பர் என்னைஉனக்
.. கடியான் என்று பிறரெல்லாம்
பேசா நிற்பர் யான்தானும்
.. பேணா நிற்பேன் நின்னருளே
தேசா நேசர் சூழ்ந்திருக்குந்
.. திருவோ லக்கம் சேவிக்க
ஈசா பொன்னம் பலத்தாடும்
.. எந்தாய் இனித்தான் இரங்காயே.

பாடல் எண் : 7

இரங்கும் நமக்கம் பலக்கூத்தன்
.. என்றென் றேமாந் திருப்பேனை
அருங்கற் பனைகற் பித்தாண்டாய்
.. ஆள்வா ரிலிமா டாவேனோ
நெருங்கும் அடியார் களும்நீயும்
.. நின்று நிலாவி விளையாடும்
மருங்கே சார்ந்து வரஎங்கள்
.. வாழ்வே வாவென் றருளாயே.

பாடல் எண் : 8

அருளா தொழிந்தால் அடியேனை
.. அஞ்சேல் என்பார் ஆர்இங்குப்
பொருளா என்னைப் புகுந்தாண்ட
.. பொன்னே பொன்னம் பலக்கூத்தா
மருளார் மனத்தோ டுனைப்பிரிந்து
.. வருந்து வேனை வாவென்றுன்
தெருளார் கூட்டங் காட்டாயேல்
.. செத்தே போனாற் சிரியாரோ.

பாடல் எண் : 9

சிரிப்பார் களிப்பார் தேனிப்பார்
.. திரண்டு திரண்டுன் திருவார்த்தை
விரிப்பார் கேட்பார் மெச்சுவார்
.. வெவ்வே றிருந்துன் திருநாமந்
தரிப்பார் பொன்னம் பலத்தாடுந்
.. தலைவா என்பார் அவர்முன்னே
நரிப்பாய் நாயேன் இருப்பேனோ
.. நம்பி இனித்தான் நல்காயே.

பாடல் எண் : 10

நல்கா தொழியான் நமக்கென்றுன்
.. நாமம் பிதற்றி நயனநீர்
மல்கா வாழ்த்தா வாய்குழறா
.. வணங்கா மனத்தால் நினைந்துருகிப்
பல்கால் உன்னைப் பாவித்துப்
.. பரவிப் பொன்னம் பலமென்றே
ஒல்கா நிற்கும் உயிர்க்கிரங்கி
.. யருளாய் என்னை உடையானே.

============================= ============================

Word separated version:

--------------

திருவாசகம் - கோயில் மூத்த திருப்பதிகம் - 8.21

குறிப்பு: இப்பதிகம் அந்தாதியாக அமைந்துள்ளது.

--------------

பாடல் எண் : 1

உடையாள் உன்-தன் நடு இருக்கும்;
.. உடையாள் நடுவுள் நீ இருத்தி;
அடியேன் நடுவுள் இருவீரும்
.. இருப்பது ஆனால், அடியேன் உன்
அடியார் நடுவுள் இருக்கும் அருளைப்
.. புரியாய், பொன்னம்பலத்து எம்
முடியா முதலே, என் கருத்து
.. முடியும் வண்ணம் முன் நின்றே.

பாடல் எண் : 2

முன் நின்று ஆண்டாய் எனை முன்னம்;
.. யானும் அதுவே முயல்வுற்றுப்
பின் நின்று ஏவல் செய்கின்றேன்;
.. பிற்பட்டு ஒழிந்தேன் பெம்மானே;
என் இன்று அருளி வர நின்று
.. "போந்திடு" என்னாவிடில், அடியார்
உன் நின்று "இவன் ஆர்" என்னாரோ,
.. பொன்னம்பலக் கூத்து உகந்தானே.

பாடல் எண் : 3

உகந்தானே அன்புடை அடிமைக்கு;
.. உருகா உள்ளத்து உணர்விலியேன்
சகம்தான் அறிய முறையிட்டால்
.. "தக்கவாறு அன்று" என்னாரோ;
மகம்தான் செய்து வழிவந்தார்
.. வாழ வாழ்ந்தாய்; அடியேற்கு உன்
முகம்தான் தாராவிடில் முடிவேன்,
.. பொன்னம்பலத்து எம் முழுமுதலே.

பாடல் எண் : 4

முழுமுதலே; ஐம்புலனுக்கும்
.. மூவர்க்கும் என்-தனக்கும்
வழிமுதலே; நின் பழ அடியார் திரள்
.. வான் குழுமிக் **
கெழுமுதலே அருள் தந்திருக்க
.. இரங்கும் கொல்லோ என்று
அழும் அதுவே அன்றி மற்று என்
.. செய்கேன் பொன்னம்பலத்து அரைசே.

(** வான்குழுமிக் கெழுமுதலே = வான் குழுமிக் கெழுமுதலே / வான் குழு மிக்கு எழு முதலே)

பாடல் எண் : 5

"அரைசே! பொன்னம்பலத்து ஆடும்
.. அமுதே!" என்று உன் அருள் நோக்கி
இரை-தேர் கொக்கு ஒத்து இரவு-பகல்
.. ஏசற்று இருந்தே வேசற்றேன்;
கரை-சேர் அடியார் களி சிறப்பக்
.. காட்சி கொடுத்து உன் அடியேன்-பால்
பிரை-சேர் பாலின் நெய் போலப்
.. பேசாது இருந்தால் ஏசாரோ.

பாடல் எண் : 6

ஏசா நிற்பர் என்னை உனக்கு
.. அடியான் என்று பிறர்-எல்லாம்
பேசா நிற்பர்; யான்-தானும்
.. பேணா நிற்பேன் நின் அருளே;
தேசா; நேசர் சூழ்ந்திருக்கும்
.. திரு-ஓலக்கம் சேவிக்க,
ஈசா, பொன்னம்பலத்து ஆடும்
.. எந்தாய், இனித்தான் இரங்காயே.

பாடல் எண் : 7

இரங்கும் நமக்கு அம்பலக் கூத்தன்
.. என்று-என்று ஏமாந்து இருப்பேனை
அரும் கற்பனை கற்பித்து ஆண்டாய்;
.. ஆள்வார் இலி மாடு ஆவேனோ;
நெருங்கும் அடியார்களும் நீயும்
.. நின்று நிலாவி விளையாடும்
மருங்கே சார்ந்து வர, எங்கள்
.. வாழ்வே, "வா" என்று அருளாயே.

பாடல் எண் : 8

அருளாது ஒழிந்தால், அடியேனை
.. "அஞ்சேல்" என்பார் ஆர் இங்குப்,
பொருளா என்னைப் புகுந்து ஆண்ட
.. பொன்னே; பொன்னம்பலக் கூத்தா;
மருள் ஆர் மனத்தோடு உனைப் பிரிந்து
.. வருந்துவேனை "வா" என்று உன்
தெருள் ஆர் கூட்டம் காட்டாயேல்,
.. செத்தே போனால் சிரியாரோ.

பாடல் எண் : 9

சிரிப்பார்; களிப்பார்; தேனிப்பார்;
.. திரண்டு திரண்டு உன் திரு-வார்த்தை
விரிப்பார்; கேட்பார்; மெச்சுவார்;
.. வெவ்வேறு இருந்து உன் திரு-நாமம்
தரிப்பார்; "பொன்னம்பலத்து ஆடும்
.. தலைவா" என்பார்; அவர் முன்னே
நரிப்பாய் நாயேன் இருப்பேனோ;
.. நம்பி, இனித்-தான் நல்காயே.

பாடல் எண் : 10

நல்காது ஒழியான் நமக்கு என்று உன்
.. நாமம் பிதற்றி, நயன-நீர்
மல்கா, வாழ்த்தா, வாய்-குழறா,
.. வணங்கா, மனத்தால் நினைந்து உருகிப்
பல்கால் உன்னைப் பாவித்துப்,
.. பரவிப், பொன்னம்பலம் என்றே
ஒல்கா நிற்கும் உயிர்க்கு இரங்கி
.. அருளாய், என்னை உடையானே.

================== ==========================

Word separated version:

--------------

tiruvāsagam - kōyil mūtta tiruppadigam - 8.21

Note: This padhigam has andādi construction.

--------------

pāḍal eṇ : 1

uḍaiyāḷ uṉ-taṉ naḍu irukkum;

.. uḍaiyāḷ naḍuvuḷ nī irutti;

aḍiyēṉ naḍuvuḷ iruvīrum

.. iruppadu āṉāl, aḍiyēṉ uṉ

aḍiyār naḍuvuḷ irukkum aruḷaip

.. puriyāy, poṉṉambalattu em

muḍiyā mudalē, eṉ karuttu

.. muḍiyum vaṇṇam muṉ niṇḍrē.

pāḍal eṇ : 2

muṉ niṇḍru āṇḍāy eṉai muṉṉam;

.. yāṉum aduvē muyalvuṭrup

piṉ niṇḍru ēval seygiṇḍrēṉ;

.. piṟpaṭṭu oḻindēṉ pemmāṉē;

eṉ iṇḍru aruḷi vara niṇḍru

.. "pōndiḍu" eṉṉāviḍil, aḍiyār

uṉ niṇḍru "ivaṉ ār" eṉṉārō,

.. poṉṉambalak kūttu ugandāṉē.

pāḍal eṇ : 3

ugandāṉē aṉbuḍai aḍimaikku;

.. urugā uḷḷattu uṇarviliyēṉ

sagamtāṉ aṟiya muṟaiyiṭṭāl

.. "takkavāṟu aṇḍru" eṉṉārō;

magamtāṉ seydu vaḻivandār

.. vāḻa vāḻndāy; aḍiyēṟku uṉ

mugamtāṉ tārāviḍil muḍivēṉ,

.. poṉṉambalattu em muḻumudalē.

pāḍal eṇ : 4

muḻumudalē; aimbulaṉukkum

.. mūvarkkum eṉ-taṉakkum

vaḻimudalē; niṉ paḻa aḍiyār tiraḷ

.. vāṉ kuḻumik **

keḻumudalē aruḷ tandirukka

.. iraṅgum kollō eṇḍru

aḻum aduvē aṇḍri maṭru eṉ

.. seygēṉ poṉṉambalattu araisē.

(** vāṉkuḻumik keḻumudalē = vāṉ kuḻumik keḻumudalē / vāṉ kuḻu mikku eḻu mudalē)

pāḍal eṇ : 5

"araisē! poṉṉambalattu āḍum

.. amudē!" eṇḍru uṉ aruḷ nōkki

irai-tēr kokku ottu iravu-pagal

.. ēsaṭru irundē vēsaṭrēṉ;

karai-sēr aḍiyār kaḷi siṟappak

.. kāṭci koḍuttu uṉ aḍiyēṉ-pāl

pirai-sēr pāliṉ ney pōlap

.. pēsādu irundāl ēsārō.

pāḍal eṇ : 6

ēsā niṟpar eṉṉai uṉakku

.. aḍiyāṉ eṇḍru piṟar-ellām

pēsā niṟpar; yāṉ-tāṉum

.. pēṇā niṟpēṉ niṉ aruḷē;

tēsā; nēsar sūḻndirukkum

.. tiru-ōlakkam sēvikka,

īsā, poṉṉambalattu āḍum

.. endāy, iṉittāṉ iraṅgāyē.

pāḍal eṇ : 7

iraṅgum namakku ambalak kūttaṉ

.. eṇḍru-eṇḍru ēmāndu iruppēṉai

arum kaṟpaṉai kaṟpittu āṇḍāy;

.. āḷvār ili māḍu āvēṉō;

neruṅgum aḍiyārgaḷum nīyum

.. niṇḍru nilāvi viḷaiyāḍum

maruṅgē sārndu vara, eṅgaḷ

.. vāḻvē, "vā" eṇḍru aruḷāyē.

pāḍal eṇ : 8

aruḷādu oḻindāl, aḍiyēṉai

.. "añjēl" eṉbār ār iṅgup,

poruḷā eṉṉaip pugundu āṇḍa

.. poṉṉē; poṉṉambalak kūttā;

maruḷ ār maṉattōḍu uṉaip pirindu

.. varunduvēṉai "vā" eṇḍru uṉ

teruḷ ār kūṭṭam kāṭṭāyēl,

.. settē pōṉāl siriyārō.

pāḍal eṇ : 9

sirippār; kaḷippār; tēṉippār;

.. tiraṇḍu tiraṇḍu uṉ tiru-vārttai

virippār; kēṭpār; meccuvār;

.. vevvēṟu irundu uṉ tiru-nāmam

tarippār; "poṉṉambalattu āḍum

.. talaivā" eṉbār; avar muṉṉē

narippāy nāyēṉ iruppēṉō;

.. nambi, iṉit-tāṉ nalgāyē.

pāḍal eṇ : 10

nalgādu oḻiyāṉ namakku eṇḍru uṉ

.. nāmam pidaṭri, nayaṉa-nīr

malgā, vāḻttā, vāy-kuḻaṟā,

.. vaṇaṅgā, maṉattāl niṉaindu urugip

palgāl uṉṉaip pāvittup,

.. paravip, poṉṉambalam eṇḍrē

olgā niṟkum uyirkku iraṅgi

.. aruḷāy, eṉṉai uḍaiyāṉē.

================== ==========================